اسلام آباد۔28جولائی (اے پی پی) وفاقی وزیر مواصلات تے پوسٹل سروسز اسعد محمود آکھیاجو اڄوکی بارشاں اتے سیلاب توں متاثرہ سڑکاں دی فوری بحالی کیتے سارے وسائل لاتے ونجن۔ نیشنل ہائی وے اتھارٹی اچ کنٹرول روم ٻݨا ݙتا ڳئے تانجو اتھارٹی دے ملک اچ اڄوکی مینٹی نینٹس یونٹس اتے فیلڈ فارمیشنز مسلسل رابطہ اچ رہون اتے متاثرہ سڑکاں دی بحالی کیتے فوری عملدرآمد کیتا ونڄ سڳے۔ انہاں اے ڳالھ وزارت مواصلات ہک اعلیٰ سطحی اجلاس دی صدارت کریندیں ہوئیں آکھی جئیں اچ وفاقی سیکرٹری مواصلات تے چیئرمین نیشنل ہائی وے اتھارٹی کیپٹن(ر) محمد خرم آغا، وزارت مواصلات اتے نیشنل ہائی وے اتھارٹی دے متعلقہ افسرشریک تھیے۔ ایں موقع تے وفاقی وزیر مواصلات تے پوسٹل سروسز اسعد محمود کوں موٹرویز اتے قومی شاہرات تے بارشی اتے سیلابی پاݨی دی صورتحال اتے ٹریفک دی بحالی کیتے اقدامات بارے تفصیلی بریفنگ ݙتی ڳئی۔ وفاقی وزیر مواصلات تے پوسٹل سروسز اسعد محمود کوں بریفنگ اچ ݙسیا جو انڈس ہائی وے تے 771-773 کلومیٹر اتے780-782 کلومیٹر دی ڄاہ تے پاݨی توں سڑک متاثر تھئی اے۔ ڈیرہ غازی خان اچ تعینات این ایچ اے اہلکار انڈس ہائی وے تے ٹریفک بحال کرݨ کیتے کوشش کریندے پئن اتے عوام فوری سفر نہ کرے۔ انڈس ہائی وے تے ٹریفک بحال کر ݙتی ڳئی اے۔ بریفنگ اچ ݙسیا ڳیا جو خیبر پختونخوا اچ خوازہ خیلہ۔بشام روڈ، چکدرہ۔کالام روڈ اتے چترال۔ شندرو روڈ ٹریفک کیتے کھلی ہن جݙانجو نوشہرہ۔دیر۔چترال روڈ،لواری ٹنل (نارتھ بانڈ) وی ٹریفک کیتے کلیئر ہن۔ چترال۔گرم چشمہ۔شاہ سادم بارڈر روڈ دے متاثرہ حصیاں کوں وی کلیئر کیتا ویندا پئے۔
