اسلام آباد 02 اګست (اے پي پي) وفاقي کابينې د تجارت وزارت په سفارش د چين حكومت او د پاكستان حكومت ترمېنځه تجارتي ودې له د مرستې په مفاهمتي يادښت لاسليك او د بې دركه كسانو كورنيو لپاره د 50 لكه روپو سړي سر د مرستې پېكج منظوري وركړې ۔ د وزيراعظم آفس ميډيا ونګ لخوا د جاري خبر پاڼې له مخې د وزيرِاعظم محمد شهباز شريف په مشرۍ كښې د وفاقي كابينې غونډه د جمعې په ورځ وشوه٬ په غونډه كښې د تجارت وزارت په سفارش د چين حكومت او د پاكستان حكومت ترمېنځه تجارتي ودې له د مرستې په مفاهمتي يادښت د لاسليك منظوري وركړې شوه ٬ د دې مفاهمتي يادښت مقصد د وزيراعظم د چين اوسنۍ دورې په تناظر كښې د دواړو هېوادونو ترمېنځه تجارت ته وده باوري كول دي، د مفاهمتي يادښت له مخې د پاکستان او چين ترمېنځه به په بېلا بېلو څانګو په خاص توګه سمارټ فونز جوړولو، نيو انرجي آټوموبائل، ټيکسټائل، كركېله او د زرعي مصنوعاتو پراسيسنګ، داروګان جوړول او د انفارميشن ټيکنالوجۍ صنعتونو كښې به مرستې ته وده وركولې شي۔ وفاقي کابينې د تعليم او وظيفائي چارو وزارت په سفارس د نېشنل يونيورسټي آف ماډرن لينګويجز اسلام آباد په چارټر د قانون سازۍ منظوري وركړه ۔ دغسې وفاقي کابينې د تعليم وزارت په سفارش د بحرين په مرسته پاكستان كښې د جوړېدونكې کنګ حماد يونيورسټي نرسنګ اينډ ايسوسي ايټډ ميډيکل سائنسز د بل اصولي منظوري وركړه٬ د بحرين په مرسته جوړېدونكې په دې پوهنتون كښې د وخت جديدو تقاضو له مخې به تعليم او تربيه وركولې شي۔ دغسې وفاقي کابينې ته د بې دركه كسانو پحقله د جوړې كړې شوې بين الوزارتي کميټۍ رپورټ وړاندې كړے شو٬ په رپورټ كښې ووئيل شول چې د افغان جنګ نه وروستو ترهګري پاكستان ته راغله ٬ د ترهګرۍ له امله پاکستان يو شمېر كورنيو چېلنجونو سره مخ شوے٬ په بې دركه كسانو جوړ كمېشن د تېرې يوې لسيزې راهسې كار كوي او پخپل دوېم حکومت كښې وزيراعظم شهباز شريف د ټولو ګوندونو پشمول كمېټي جوره كړې۔ غونډه ته ووئيل شول په لنډ مهاله حكومت كښې د بې دركه كسانو پحقله كمېټي بيا جوړه كړې شوه ۔ ده رپورټ په جژرولو كښې د پاکستان قانون نافذ كوونكو ادارو هم مرسته كړې٬ دغسې کابينې د كمېټۍ د سفارشات توثيق كولو سره د بې دركه كسانو كورنيو لپاره 50 لكه روپۍ سړي سر د مرستې پېكېج منظوري وركړه او د اسټيټ اونډ انټرپرائزز كمېټۍ په 22 جولائي كال 2024 غونډه كښې د شوو پرېكړو ئې توثيق هم وكړو
