اسلام آباد۔10اګست (اے پی پی) صدر مملكت آصف علي زرداري د وادي تيراه په خېبر ضلع كښې په امنيتي ځواکونو د بريد غندنه کولو سره وئيلي دي چې ټول اولس د ترهګرۍ د ختمولو عزم لري۔ د خالي په ورځ د ايوان صدر پرېس ونګ لخوا د جاري شوي بيان له مخې صدر مملكت په ياده شوې پېښه كښې د امنيتي اهلكارو په شهادت غمرازي ښكاره كولو سره ژوبل شويو لپاره د زر روغتيا دعا وكړه۔ صدر مملكت مورني وطن لپاره ځان قرباني كوؤنكو شهيدانو ته سلام او حوالدار انعام ګل، سپاھي محمد عمران او سپاھي الطاف خان ته د درناوي مراتب وړاندې كړل۔ صدر مملكت د خوارجو فتنې په ضد د كاروايي كولو او د هغوي لمينځه وړولو لپاره د امنيتي ځواكونو خذمات ستائلو سره ووئيل ټول قام د ترهګرۍ د لعنت نوغې ويستلو عزم لري او د امنیتي ځواکونو تر څنګ ولاړ دے۔ صدر مملكت د ترهګرۍ په ضد جنګ كښې د امنیتي ځواکونو د قربانیو ستائنه وكړه او د ترهګرو په ضد یې د عملیاتو د دوام عزم څرګند كړو۔ صدر مملكت شهيدانو لپاره د لوړ درجو او د هغوي كورنيو لپاره د صبر او زغم دعا وكړه۔
