اسلام آباد۔21مارچ (اے پی پی):وفاقی وزیر منصوبہ بندی، ترقی ، اصلاحات وخصوصی اقدامات احسن اقبال آکھیے پاکستان دی ݙو تہائی نینگر آبادی کوں تعلیم ، روزگار تے مہارت دی تعلیم ݙیوݨ دے موقع ݙیوݨے ہوسن ، تبدیلی نینگر نسل کوں بہتر تے روشن مستقبل ݙیوݨا اے ،ملک اچ سیاسی عدم استحکام دی لوڑھ اے، جے اساکوں ترقی کرݨی ہے تاں اساکوں ایں ملک کوں سیاسی تے پالیسی سازی استحکام ݙیوݨا ہوسی۔ اے ڳالھ انہاں وزیراعظم دے یوتھ ڈویلپمنٹ پروگرام بااختیار نوجوان دی افتتاحی تقریب توں خطاب کریندے ہوئیں آکھی اے ۔ وفاقی وزیر آکھیے پاکستان دی ݙو تہائی آبادی نوجوان نسل تے مشتمل اے ۔ پاکستان دے نینگراں کوں تعلیم ، روزگار اتے مہارت دی تعلیم ݙیوݨ دے موقع ݙیوݨے ہوسن ۔ 2013 اچ ملک دہشت گردی دی زد وچ ہئی ، کوئی ٻاہرلے سرمایہ کار پاکستان اچ سرمایہ کاری کرݨ کوں تیار نہ ہن ۔ انہاں آکھیے اساں بجلی دے بحران تے قابو پاتا ۔تھری ایز تے کم کیتا ملک کوں 2018 تئیں آپݨے پیراں تے کھڑا کیتا ۔2018 اچ 11 ہزار میگاواٹ بجلی قومی گریڈ اچ رلائی ۔ ملک کوں دہشت گردی توں پاک کیتا ۔ سی پیک کوں کامیاب منصوبے ݙتے ۔چین ارباں ڈالر دی سرمایہ کاری کیتی ۔ وفاقی وزیرآکھیے 2017 اچ امریکا، برطانیہ تے ٻئے ملکاں دے سفیر اے پچھدے ہن جو کیویں انہاں دے نلکاں دیاں کمپنیاں سی پیک اچ سرمایہ کاری کر سڳدن۔ تبدیلی کجھ کرتے ݙکھالݨ دا ناں اے ۔ تبدیلی او چورن کائنی جیں کوں نفرت دے کاغذ اچ ولھیٹ تے معاشرے اچ نفرت کھنڈائی ونڄے ۔
