اسلام آباد۔5جون(اے پی پی):وزیر مملکت خارجہ امور حنا ربانی کھر اڄ 5 جون توں 13 جون تئیں ناروے، سویڈن، ڈنمارک اتے بیلجم دا سرکاری دورے کریسن ۔دفتر خارجہ موجب وزیر مملکت خارجہ امور انہاں ملکاں دے دورے اچ ترقی، تجارت اتے موسمیاتی تبدیلی دے چیلنجز اتے مسئلیں بارے تعاون تے ڳالھ مہاڑ کیتے وزارتی سطح تے اجلاساں اچ شرکت توں علاوہ قانون سازاں تے مقامی تاجراں نال وی ملاقات کریسن ۔ حنا ربانی کھر بیلجم اچ یورپی پارلیمنٹ دے ارکان تے یورپی کمیشن دے سینئر حکام نال ملاقاتاں کریسن ۔ سویڈن اچ ، وزیر مملکت یورپی کونسل خارجہ تعلقات دے سالانہ اجلاس اچ کلیدی مقرر دے طور تے شرکت کریسن ۔ اوعلاقائی اتے عالمی اہمیت دے مسئلیں تے پاکستان دا نقطہ نظر پیش کریسن تے خارجہ پالیسی دی ترجیحات اتے چیلنجز تے بحث کیتے یورپ دے سرکردہ فیصلہ سازاں، ماہرین، تھنک ٹینکس اتے اثرورسوخ رکھݨ آلی شخصیات نال ڳالھ مہاڑ کریسن۔
