پېنډی۔5 دسمبر(اے پی پی) د پاك سمندري پوځ پخوانے مشر اېډمرل یسطور الحق ملک په لاهور كښې پوځي درناوي سره خاورو ته وسپارلے شو۔ د جنازې مونځ كښې د وسله والو ځواكونو ريټائرډ او حاضر سروس افسرانو او عامو وګړو ګډون وكړو۔ د صدر، وزیراعظم، د جوائنټ چیفس آف سټاف کمېټۍ چیئرمېن ٬ د وسله والو ځواكونو مشرانو او د سمندري پوځ افسرانو او ځوانانو لخوا د اېډمرل يسطور الحق ملك په قبر د ګلونو څادرونه خپاره كړے شول۔ د آئی اېس پی آر له مخې اېډمرل یسطور الحق ملک په كال 1954 كښې په پاك سمندري پوځ كښې كمېشن ترلاسه كړے ؤ ۔ اېډمرل یسطور الحق ملک د كال 1965 او 1971 په پاك هند جنګونو كښې برخه اغستهې وه ۔ ارواښاد د كال 1988 څخه تر 1991 د پاك سمندري پوځ مشر پاتې شوے ؤ ۔ ارواښاد نېول چیف د کمانډر پاکستان فلېټ، وائس چیف آف دی نېول اسټاف او چیئرمېن پاکستان نېشنل شپنګ کارپورېشن په توګه هم خپلې ذمه وارۍ ترسره كړې وې۔
