اسلام آباد۔21اگست(اے پی پی) الیکشن کمیشن دی طرفوں مملک اچ نویاں حلقہ بندیاں کیتےکمیٹیاں بݨاوݨ دا کم سنوار توں شروع تھی ڳئے ۔ الیکشن کمیشن ڈیجیٹل مردم شماری 2023دے اعدادوشمار دی منظوری دے بعد ملک اچ موہاݨ حلقہ بندیاں کراوݨ دا فیصلہ کیتے۔ ایݨ مقصد کیتے ملک دے سارے انتظامی یونٹس دی حدود کوں منجمد کرݙتا ڳئے ۔ نویاں حلقہ بندیاں کیتے انتظامی انتظامات اڄ 22 توں 31 اگست تئیں مکمل کیتے ویسن ۔کمیٹیاں کیتے ٹریننگ یکم توں 4 ستمبر تئیں ہوسی ۔ انہاں کمیٹیاں دے نال قومی اتے صوبائی اسمبلیاں دیاں نشستاں دے ضلعی کوٹے دی تفصیلات 5 توں 7 ستمبر تئیں ݙتی ویسی جݙاں جو انہاں کمیٹیاں دی طرفوں ابتدائی حلقہ بندیاں دی تکمیل 7 اکتوبر تئیں ہوسی ۔ حلقہ بندیاں دی ابتدائی فہرست انہاں کمیٹیاں دی طرفوں 9 اکتوبر کوں جاری کیتی ویسی جنہاں تے اعتراضات 10 اکتوبر توں 8 نومبر تئیں جݙاں جو انہاں عتراضات کوں 10 نومبر توں 9 دسمبر تئیں نبیڑیا ویسی ۔ حلقہ بندیاں دی حتمی اشاعت 14 دسمبر کوں تھیسی ۔
