اسلام آباد۔10اکتوبر (اے پی پی) وفاقی وزیرداخلہ محسن نقوی دی کوٹ پٹھان اچ پولیس پوسٹ تے فتنہ الخوارج دے دہشتگرداں دی فائرنگ دی مذمت کریندیں ہوئیں آکھیا جو کے پی کے پولیس دہشت گردی دے خلاف جنگ اچ ٻہوں قربانیاں ݙتن۔ خمیس کوں آپݨے بیان اچ وزیر داخلہ محسن نقوی فائرنگ نال شہید تھیوݨ آلے ݙو پولیس اہلکاراں کوں خراج عقیدت پیش کیتا اتے شہید پولیس اہلکاراں دے لواحقین نال دلی ہمدردی اتے تعزیت کیتی۔ وزیرداخلہ محسن نقوی دی زخمیاں دی جلدی صحت یابی کیتے دعا کیتی۔ وزیر داخلہ محسن نقوی آکھیا جو خیبرپختونخوا پولیس دے بہادر جواناں کوں سلام پیش کریندوں۔ پوری قوم انہاں کوں قدر نال ݙیکھدی اے۔
