اسلام آباد ۔ 8 جولائی (اے پی پی) وزیراعظم عمران خان آکھیے جو کورونا دی وباءنال معاشرے دا کمزور ا??ے مزدور طبقہ ساریں توں ودھ متاثر تھئے ، انہاں دے تحفظ کیتے سانجھی حکمت عملی وضع کرنڑیں ہوسی ، پاکستان کرفیو ا??ے مکمل لاک ڈاﺅن دی بجائے سمارٹ لاک ڈاﺅن دا طریقہ اختیار کیتے اتے تعمیرات تے زرعی شعبیں کوں کھولیے ، غیر رسمی معیشت نال وابستہ مزدور طبقات کوں نقد رقم ڈتی گئی اے ، وڈی تعداد اچ اساڈے ورکرز ڈوجھے ملکاں اچ کم کریندن تے غیر ملکی زرمبادلہ کمیندن ، اساکوں وڈے ملکاں کوں ??یں مسئلے تے قائل کرنڑاں ہوسی جو او مزدور طبقے نال ہمدردانہ رویہ اختیار کرن ۔اے گال انہاں انٹرنیشنل لیبر آرگنائزیشن (آئی ایل او)دے زیر ا??تم??م 5ڈینھ وار عالمی کانفرنس نال ویڈیو کانفرنس دے ذریعے خطاب کریندے ہوئیں آکھی اے ۔ وزیراعظم عمران خان آکھیے جو ??یں کانفرنس دے انعقاد تے ایندے توں خطاب کیتے سڈنڑ تے ڈائریکٹر جنرل آئی ایل او دا شکر گزار ہاں۔ انہاں آکھیے جو کورونا دی وباءپاروں لاک ڈاﺅن نال دنیا دا مزدور طبقہ متاثر تھئے ،اے کانفرنس لیبر کمیونٹی دے تحفظ دے حوالے نال بہوں اہمیت رکھیندی اے ۔ انہاں آکھیے جو اے وباءکجھ ملکاں اچ گھٹ تھیندی پئی اے لیکن کئی ملکاں اچ عروج تے ہے ۔اساکوں لیبر کمیونٹی دے تحفظ کی??ے مشترکہ حکمت عملی وضع کرنڑدی لوڑ اے ۔ اساں کیتے اے وبا ہک دوہرے چیلنج دی صورت اچ سامنڑے آئی ،ہک پاسے اساکوں لوکاں کوں وبا توں بچاونڑاں ہئی کیوں جو اگر اے تکھے کھنڈ ویندی تاں ہسپتالاں اچ رش ودھ ویندا سنبھالنڑ اوکھا تھی ویندا ??یں کیتے وبا کوں روکنڑ اہم ہئی ڈوجھے پاسے معیشت اچ ودھ سارے لوک چھوٹے کاروبار تے لیبر نال منسلک ہن ۔لاک ڈاﺅن تھیندے ہی اے روک بے روزگار تھی گے جیں پاروں انہاں خانداناں دیاں ضرورتاں پوریاں کرنڑ اوکھا تھی گیا ۔اساڈی معیشت دا وڈا حصہ غیر رسمی معیشت ??ے مشتمل اے اتے ودھ سارا مزدور طبقہ رجسٹرڈ کائنی ۔ لاک ڈاﺅن پاروں ڈو ترائے ہفتے اچ چھوٹے طبقے کوں اوکھ دا سامنڑاں ہئی جیں دے بعد اساں سمارٹ لاک ڈاﺅن دی پالیسی بنڑائی اساکوں چھوٹے تے کمزور طبقے کوں بچاونڑاں ہئی ۔اساں عوامی اجتماعات، اسکولاں اتے کالجاں، کھیڈاں دیاں سرگرمیاں سمیت لوکاں دے جمع ت??یو??ڑ تے پابندی لاتی لیکن اساں تعمیرات اتے زرعی شعبہ کوں کھول ڈتا زرعی شعبے کوں بند کرنڑ نال خوراک دا بحران پیدا تھی ویندا ایندے علاوہ اساں لوکاں کوں نقد رقم دی منتقلی دا عمل شروع کیتا ۔ غیر رجسٹرڈ لوکاں کوں وختی احساس پروگرام اچ رجسٹر کیتا۔ رجسٹریشن کیتے اساں خصوصی ڈیسک قائم کیتے ۔ تھوڑے ویلھے اچ پاکستان اچ کداہیں اتنی وڈی کیش گرانٹ نی ڈتی گئی جیں اساکوں لاک ڈاﺅن دے بدترین اثرات توں بچائے۔وزیراعظم توقع دا اظہار کیتا جو رل بہہ تے گال بات تے ذریعے اگوں ودھنڑ د رستہ نکلسی ۔پنج ڈینھ دی کانفرنس نال کئی عالمی رہنماواں ، مختلف ملکاں دے صدور اتے وزراءاعظم گال کیتی تے اپنڑے ملکاں اچ کورونا وبا توں متاثر ت??یو??ڑ آلے طبقات کیتے اقدامات کوں اجاگر کیتا تے ??یں سلسلے اچ اپنڑیاں تجویزاں پیش کیتیاں ۔
.jpg)
