اسلام آباد۔18جون(اے پی پی):وزیراعظم محمد شہباز شریف آکھیے کلر کہاربس حادثے دے نتیجے اچ انسانی جاناں دے ضیان تے ٻہوں ݙکھی ہاں ،سالٹ رینج تے حادثات دا تواتر دے نال تھیوݨ پریشانی دی ڳالھ اے ۔ اپݨے ٹویٹ اچ انہاں ہدایت کیتی جو موٹروے حکام ایں امر کوں یقینی بݨاون جو موٹر وے تے چلݨ آلیاں ڳاݙیاں سفر دے قابل ہوون تے ڈرائیور حضرات ڈرائیونگ دے سارے معیارات تے پورے لہندے ہوون ۔ وزیر اعظم آکھیے قواعد و ضوابط تے سختی نال عمل کرتے ہی سفر کوں محفوظ بݨایا ونڄ سڳدے ۔ میݙیاں ہمدردیاں اتے دعاواں انہاں سارے خانداناں دے نال ہن جنہاں دے پیارے ایں دردناک حادثے اچ انہاں توں وچھڑ ڳئے۔
